كتبت : سارة الشافعي
في عز الازمه العالميه لفيروس كورونا تظهر شجاعة المصريين متمثلة في الشبل مصري “ميسره محمود” مم صعيد مصر ومقيم مع أهله بالنمسا من سنين يبلغ من العمر ١٤ سنه .
اتفق هذا البطل الصغير مع اتنين اصحابه وعملوا مبادرة لمساعدة كبار السن في النمسا على إحضار حاجتهم.. عشان ميخرجوش من البيت ويتعرضوا لمخاطر..
البطل الصغير كتب رقم تليفونه وايميله.ونشره في جميع وسائل التواصل الاجتماعي ، وبالفعل جاءت له طلبات كتير. كان بيجيب الحاجه للناس بالفواتير وميرضاش ياخد اي فلوس زياده لانه عمل خيري ، لدرجه ان الناس مكنتش مصدقه .
وانقذ حياه مسن لما جابله دوا عاجل من الصيدليه ، فور اتصاله به.
ابوه قال انه مش خايف عليه لأنه بياخد كل إجراءات الحمايه.
ذاع صيته هناك والتليفزيون النمساوي عمل معاه لقاءات وبقت صورته علي كل الصحف..
المدرسه بتاعته بعتتله جوابات شكر علي اللي بيقوم بيه.
المبادره لسه ف اسبوعها الأول والولد واصحابه لسه مكملين.
البطل ده حسسني اني فخور اني مصري وصعيدي وأننا جدعان اوى ورجاله اوي وقت الشده.. واداني حماس انى انزل انا وزمايلي ف مواجهة الموت عشان نساعد الناس .
الولد ده يستاهل اننا نتكلم عنه ونشكره ونكرمه..هو ده فعلا الأسطورة. الذي يجب أن نقتدى به.
في عز ما الناس كلها خايفه وملتزمه البيوت… فيه نور ف اخر النفق المظلم…
