كتب : عبد الرحمن الشافعى
قام مجموعة شباب من كلية الهندسة باخترع جوانتى للصم والبكم ، حيث قام هؤلاء الشباب الطلاب بكلية الهندسة جامعة حلوان بتكوين فريق اسمه “بيكسلز” مكون من 16 شاب وفتاة ، شباب مصريين مبتكرين ودماغهم ألماظات ، صمموا قفاز ذكي (جوانتي) عشان يستخدمه الصم اللي عندهم مشكلة في الكلام وبيعبروا عن كلامهم بـ لغة الإشارة.
حيث يعمل القفاز على ترجمة لغة الاشارة الى صوت مسموع ، بمعنى لو لبس الجوانتي ده في إيده اى شخص لا يستطيع الكلام ، وبمجرد ما يشاور بيه ومن خلال مجموعة من المستشعرات هتترجم الحركة بتاعت الإيد وهتتحول لصوت مسموع يسمعه الأشخاص الموجودين أمامه، بدون ما يكون محتاج يتعلم لغة الإشارة عشان يفهمه.
والشباب المخترعين سموا القفاز Smart gloves pixels’21.. الموضوع حصل قبل كده بره مصر من شهور بس المرة دي عمله شباب مصريين بإمكانياتهم البسيطة وبشكل مبهر ، ودي مش آخر خطوة في المشروع فهناك خطوات تالية لتحسينه أكتر ، لكن هذه الخطوة هى الخطوة الأهم خصوصاً إن القفاز حقق نتائج ممتازة .
هما دول الشباب المصري اللى يفتح النِفس وإيديهم تتلف في حرير ، مش ممثلى البلطجة ومدعى الفن ، ولكن الإعلام الأصفر لا يتحدث عنهم .
