القومى للمراة يدرب سيدات طنطا على ريادة الاعمال ودور المرأة فى المجتمع وتأثيرها على كل اللي حواليها..

كتب : محمد محمود

اقام القومى للمراة تدريب لسيدات طنطا فى قرى كفر شبرا اليمن ومركز طنطا في الغربية ، وسيدات قريتي كفر زيادة وكوم البركة في البحيرة..

وشرحوا لهم أكتر عن دور المرأة فى المجتمع وتأثيرها على كل اللي حواليها ، وتعرفوا على أهمية مشاركة الأسرة في كل قرار يخص مشروعاتهم ، وازاى يميزوا بين نقاط القوة والضعف لكل مشروع ،وكيفية تحديد المخاطر اللي ممكن تواجه كل مشروع وإزاي يتغلبوا عليها ، كل ده عرفوه من خلال تدريب ريادة الأعمال ..

وبعده تدريب التثقيف المالي واللي عرفوا فيه إزاي يعملوا توازن في الصرف وإزاي يفرقوا بين الرغبات والاحتياجات الأساسية..

كما اتعرفوا عن الكروت المصرفية وفهموا أكتر عن حقوقهم كعملاء في البنك : التدريبات دي وغيرها كتير بينفذها المجلس القومي للمرأة بالشراكة مع الاتحاد الأوروبي بمحافظات البحيرة والغربية والأقصر والمنيا في إطار “معالجة الدوافع الاقتصادية للهجرة غير الشرعية”.