التموين : شروط إضافة المواليد لبطاقة التموين

0 80

كتب : ممدوح العربي

أعلنت وزارة التموين الشروط المطلوبة لإضافة المواليد على بطاقة التموين وهي :
1 – البطاقه التموينيه لازم تكون ساريه ومفيش فيها اى اخطاء .

٢- المواليد اللى هتتضاف من 1 / 6 / 2015 حتى 31 / 12 / 2015

٣- عدد الاطفال اللى ممكن تتضاف ع البطاقة الواحده بحد اقصي تلاته 3 ( يعنى بالكتير 3 عيال بس اللى تقدر تضيفهم على بطاقتك ) .
الفئات اللى ممكن تسجل اولادها وحددها الوزير
١- الموظف ( حكومي – عام – خاص )
يجيب مفردات مرتبه معتمد ومختومه على إلا تزيد  2500 جنية

٢- المعاش ( حكومي – عام – خاص )
هنجيب شهاده بالمعاش على إلا يزيد عن  2000جنيه

٣- الارمله / المطلقه / المرأه المعيله .

٤- اصحاب الامراض المزمنه / ذوي الاحتياجات الخاصه .

٥- القصر وليس لديهم عائل .

٦- العمال / المهنيون / الحرفيون / الحاصلون على مؤهلات وبدون عمل، يعملو بحث اجتماعى ف الشئون الاجتماعيه اللى بان دخلهم اقل من 2000 جنيه ف الشهر.

الاوراق المطلوبه :
١- استمارة اداء خدمه ( ودى م المكتب التموينى اللى انت تبعه ) .
٢- شهادة بالدخل (مش اكتر من ٢٥٠٠ لو موظف ، مش اكتر من 2000 لو معاش او بحث اجتماعى ) .
٣- صور البطاقات الشخصيه للى موجودين ف البطاقه ولو اقل من 16 سنه نجيب صورة شهاده الميلاد .
٤- صورة شهادة ميلاد الطفل اللى عايزين نسجله .
٥- اقرار بصحة البيانات
٦-  رقم موبايل صاحب البطاقه

ايام التسجيل :
الوزير قسم الناس لتسع شرايح على حسب رقم البطاقه التموينيه ،
بمعنى ان بطاقتك التموينية بتبدأ باول رقم من اليمين وتبص علي الجدول اللي جاي تشوف الفترة اللى تروح فيها حسب هذا الرقم.

لو مكتوب اول رقم م اليمين (٠)صفر تروح من يوم 1 / 8 إلى 10/ 8
لو مكتوب 1 تروح من 11 / 8 إلى 17 / 8
لو مكتوب 2 تروح من 18 / 8 إلى 24 / 8
لو مكتوب 3 تروح من  25 / 8 إلى 30 / 8
لو مكتوب 4 تروح من 1 / 9  إلى 7 / 9
لو مكتوب 5 تروح من.8 / 9 إلى  14 / 9
لو مكتوب 6 تروح من  15 / 9 إلى 21 / 9
لو مكتوب 7 تروح من  22 / 9 إلى 28 / 9
لو مكتوب 8 تروح من. 29 / 9 إلى 5 / 10
لو مكتوب 9 تروح من  6 / 10 إلى 12 / 10
وبالنسبة لمن فاته الموعد المحدد له ينتظر إلى اخر اسبوعين في شهر اكتوبر من 13 / 10 لغايه 31 / 10 ودول مخصصين للى راح عليه موعد التقديم، عليه التوجه لمكتب التموين لإنهاء إجراءات القيد.

اترك رد

لن يتم نشر عنوان بريدك الإلكتروني.